ᐃᓱᒫᓗᒍᑎᖃᖅᐱᑦ ᓄᓇᑦᓯᐊᑉ ᒐᕙᒪᒃᑯᖏᑦᑕ ᐃᖅᑲᓇᐃᔭᕐᕕᖏᓐᓄᑦ ᐱᑦᓯᐊᖅᑕᐅᓯᒪᖏᓐᓂᕐᒧᑦ? ᐅᖃᓪᓚᒍᓐᓇᖅᐳᓯ ᐅᕙᑦᑎᓐᓄᑦ. ᐃᑲᔪᕈᓐᓇᑐᐃᓐᓇᕆᐊᖃᖅᐳᒍᑦ.
ᑭᒃᑯᑐᐃᓐᓇᕐᓂᒃ ᐃᑲᔪᖅᑎ ᑎᒃᑯᐊᖅᑕᐅᓯᒪᓕᖅᐳᖅ ᒪᓕᒐᓕᐅᖅᑎᒃᑯᓐᓄᑦ ᓄᓇᑦᓯᐊᑉ ᒐᕙᒪᒃᑯᖏᑦᑕ ᐃᖅᑲᓇᐃᔭᕐᕕᖏᑦ ᐃᑲᔪᑦᓯᐊᕈᓐᓇᕐᓂᖅᓴᐅᖁᓪᓗᒋᑦ ᐃᓄᖕᓂᒃ. ᑯᓕᑦ ᓚᖕᓗᐊ ᓄᓇᑦᓯᐊᒥ ᓯᕗᓪᓕᖅᐹᖏᓪᓗᓂ ᑭᒃᑯᑐᐃᓐᓇᕐᓂᒃ ᐃᑲᔪᖅᑎᐅᓂᐊᓕᖅᐳᖅ ᑕᐃᒪᓐᓇ.
ᑖᓐᓇ ᑭᒃᑯᑐᐃᓐᓇᕐᓂᒃ ᐃᑲᔪᖅᑎ ᐃᖅᑲᓇᐃᔭᖅᑎᖏᓪᓗ ᑐᓴᖅᑎᑕᐅᖃᑦᑕᖅᐳᑦ ᐅᓂᒃᑳᖅᑐᓂᒃ ᑭᒃᑯᑐᐃᓐᓇᐃᑦ ᐃᓱᒫᓘᑎᒋᔭᖏᓐᓂᒃ ᖃᓄᖅ ᑖᒃᑯᐊ ᓄᓇᑦᓯᐊᑉ ᒐᕙᒪᒃᑯᖏᑦ ᖃᓄᐃᓕᐅᕐᒪᖔᑕ ᐃᑲᔪᕈᓐᓇᖅᖢᓂᓗ ᐅᖃᐱᓗᒃᑐᓂᒃ ᒐᕙᒃᒪᒃᑯᓐᓂᒡᓗ ᐅᖃᓪᓚᖃᑎᖃᕐᓗᓂ ᐃᖢᐃᓪᓕᐅᕈᑎᑦ ᐋᖅᑭᒃᑕᐅᓇᓱᐊᕐᓂᖏᓐᓂ. ᑕᐃᒪᓐᓇ ᐅᖃᓪᓚᐅᑎᒃᑯᑦ ᐋᖅᑭᒃᑕᐅᔪᓐᓇᖏᑉᐸᑦ, ᑭᒃᑯᑐᐃᓐᓇᕐᓂᒃ ᐃᑲᔪᖅᑎ ᖃᐅᔨᓴᕆᐊᕈᓐᓇᖅᐳᖅ, ᐊᑐᓕᖁᔨᒍᑎᓕᐅᕐᓗᓂᓗ ᐱᖁᔨᕗᖔᓕᐅᕈᑎᖃᕐᓗᓂᓗ ᐅᓂᒃᑳᓕᐅᓕᕐᓗᓂᓗ ᖃᓄᐃᓕᐅᕈᑕᐅᓚᐅᖅᑐᓂᒃ. ᑭᒃᑯᑐᐃᓐᓇᕐᓂᒃ ᐃᑲᔪᖅᑎ ᒪᓕᒃᑎᑦᑎᔪᓐᓇᖏᑉᐳᖅ ᐱᖁᔭᕗᖔᓕᐅᕈᑎᒥᓂᒃ ᒐᕙᒪᒃᑯᓐᓄᑦ, ᑭᓯᐊᓂ ᒐᕙᒪᒃᑯᑦ ᒪᓕᖃᑦᑕᖅᐳᑦ ᑭᒃᑯᑐᐃᓐᓇᕐᓂᒃ ᐃᑲᔪᖅᑎᐅᑉ ᐃᓄᖕᓂᒃ ᐱᖁᔨᕗᖔᓕᐅᕈᑎᒋᔭᖏᓐᓂᒃ.
ᐊᑲᐅᓈᖅᑎᑦᓯᓂᖅ ᑕᒪᐃᓐᓂᒃ ᐃᓄᖕᓂᒃ ᐊᔪᕐᓇᖏᑦᑐᑯᓘᖏᑉᐳᖅ. ᒐᕙᒪᒃᑯᑦ ᑭᓱᓕᒫᓄᑦ ᐊᖏᕈᓐᓇᖏᒻᒪᑕ ᐊᔾᔨᒌᒃᑎᑦᑎᔪᓐᓇᕋᑎᒡᓗ ᑭᒃᑯᓕᒫᓂᒃ. ᑕᒪᒃᑯᐊ ᑕᒡᕙ ᐊᑲᐅᖏᓕᐅᕈᑕᐅᔪᓐᓇᖅᐳᑦ:
- ᓄᓇᑦᓯᐊᑉ ᒐᕙᒪᒃᑯᖏᑦᑕ ᐃᖅᑲᓇᐃᔭᖅᑎᖏᑦ ᕿᐱᓗᒃᑳᖓᑕ ᐋᒃᑳᕐᖢᑎᒃ ᐊᖅᑭᒃᑕᐅᖁᔭᕐᓂᒃ, ᐅᓂᒃᑳᖏᑦᓯᐊᒻᒪᕆᒃᖢᑎᒃ ᓱᖕᒪᑦ ᐋᒃᑳᕐᓂᕐᒥᖕᓂᒃᑦ.
- ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᓕᕆᔨᑦ ᒪᓕᒋᐊᖃᖅᑕᒥᖕᓂᒃ ᒪᓕᖏᑉᐸᑕ
- ᐃᒡᓗᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᓈᓚᖏᑉᐸᑕ ᑐᑭᓯᒋᐊᕈᑎᒃᓴᖏᓐᓂᒃ ᑐᓂᒐᓱᐊᕋᓗᐊᖅᖢᒋᑦ.
ᖃᓄᐃᓕᐅᖅᑐᖃᑐᐃᓐᓇᕆᐊᖃᖅᐳᖅ ᐅᓐᓂᕐᓗᒍᑎᖃᕈᕕᑦ ᑭᒃᑯᑐᐃᓐᓇᕐᓂᒃ ᐃᑲᔪᖅᑎᒧᑦ ᐃᒪᓐᓇ:
- ᐃᓱᒪᓕᐅᕈᑎᖃᓚᐅᕐᓂᖏᓐᓄᑦ ᖃᓄᖅ ᐅᓂᒃᑳᕐᕕᐅᑐᐃᓐᓇᕆᐊᖃᖅᐳᑎᑦ ᐅᓐᓂᕐᓗᒍᑎᖃᓚᐅᕐᓗᑎᑦ ᐊᑲᐅᖏᓕᐅᕈᑎᒋᔭᕐᓂᒃ
- ᓄᓇᑦᓯᐊᑉ ᒐᕙᒪᒃᑯᖏᑦ ᐃᓱᒪᓕᐅᒃᑲᓐᓂᑐᐃᓐᓇᕆᐊᖃᖅᐳᑦ ᐃᓱᒪᓕᐅᕈᑎᒋᐅᖅᑕᒥᖕᓂᒃ ᓯᕗᓪᓕᕐᒥ
- ᐃᒡᕕᓪᓗ ᓄᓇᑦᓯᐊᑉ ᒐᕙᒪᒃᑯᖏᓪᓗ ᑐᑭᓯᐅᒪᖃᑦᑕᐅᑎᓂᖅᓴᐅᓕᕐᓗᓯ ᐱᓕᕆᖃᑎᒌᑦᓯᐊᕐᓂᖅᓴᐅᓕᕐᓗᓯᓗ ᓯᕗᓂᒃᓴᐅᓂᐊᖅᑐᒥ
- ᒪᒥᐊᕕᐅᔪᓐᓇᖅᐳᑎᓪᓗ
- ᑮᓇᐅᔭᓂᒃ ᐊᑭᓕᐅᑕᐅᓚᐅᖅᑐᓂᒃ ᐅᑎᕐᕕᐅᓗᑎᑦ
- ᓄᓇᑦᓯᐊᑉ ᒐᕙᒪᒃᑯᖏᑦ ᐊᓯᔾᔩᔪᓐᓇᖅᐳᑦ ᐊᑲᐅᓯᕚᓪᓕᖅᑎᑎᓗᑎᒃ ᐊᑲᐅᖏᓕᐅᕈᑕᐅᓚᐅᖅᑐᓂᒃ
- ᑭᒃᑯᑐᐃᓐᓇᕐᓂᒃ ᐃᑲᔪᖅᑎ ᕿᒥᕐᕈᓚᐅᕐᓗᓂ ᐊᑲᐅᖏᓕᐅᕈᑎᒋᔭᕐᓂᒃ ᐊᓯᔾᔨᖅᑕᐅᖏᑐᐃᓐᓇᕆᐊᖃᖅᐳᖅ ᐊᑲᐅᖏᓕᐅᕈᑎᒋᔭᐅᓂᕋᖅᑕᐃᑦ
ᑭᓇᑐᐃᓐᓇᖅ ᑕᒡᕗᖓ ᐅᖄᓚᔪᓐᓇᖅᐳᖅ ᐊᓪᓚᕕᖓᓄᑦ ᑎᑎᕋᕐᕕᖓᓄᑦ, ᐊᓯᒃᓯᖕᓄᑦ ᑐᓴᖅᑕᐅᓂᐊᖏᑦᑐᑦ. ᐅᖃᓪᓚᖃᑎᖃᕐᓂᐊᖏᑦᑐᒍᑦ ᑭᓇᑐᐃᓐᓇᕐᒧᑦ ᖃᓄᐃᓕᐅᕈᑎᒋᔭᑦᑎᓐᓂᒃ ᐅᖃᐱᓘᑎᒋᔭᕐᓂᒃ ᑭᓯᐊᓂ ᐊᖏᖅᓯᒪᓗᑎᑦ ᐱᖁᔨᒍᕕᑦ.
ᐃᓱᒫᓗᒍᑎᖃᕈᕕᑦ ᒐᕙᒪᒃᑯᑦ ᐃᖅᑲᓇᐃᔭᕐᕕᖓᓂᒃ, ᓇᖕᒥᓂᖅ ᐋᖅᑭᒐᓱᐊᕐᓂᐊᖅᐸᐃᑦ ᐅᖃᓪᓚᖃᑎᒋᓗᒍ ᐊᐅᓚᑦᓯᔨᖓᑦ ᐱᓕᕆᔨᖓᓘᓐᓃᑦ. ᑕᐃᒪᓐᓇ ᐋᖅᑭᒃᑕᐅᖐᓐᓇᖅᐸᑦ, ᐅᕙᑦᑎᓐᓄᑦ ᐅᖄᓚᔪᓐᓇᖅᐳᑎᑦ, ᐃᑲᔪᕋᓱᐊᕈᓐᓇᖅᐳᒍᑦ.
ᐅᕙ ᑕᒡᕙ ᑭᒃᑯᑐᐃᓐᓇᕐᓂᒃ ᐃᑲᔪᖅᑎᐅᑉ ᐊᓪᓚᕕᖓᑦ ᑎᑎᕋᕐᕕᖓᑦ
ᐅᖄᓚᐅᑎᖓ: 1-844-686-6283 (ᐊᑭᖃᖏᑦᑐᖅ) ᐅᕙᓘᓐᓃᑦ 874-6623 (ᕼᐃᕆᕗᒥ)
ᖃᕆᑕᐅᔭᒃᑯᑦ ᑎᑎᕋᕐᕕᒋᓗᒍ: info@nwtombud.ca
ᓱᑲᔪᒃᑯᑦ ᑎᑎᖃᓂᒃ ᓇᒃᓯᐅᑎᓗᒍ: 1-867-874-6250
ᑎᑎᖃᕐᓂᐊᕐᕕᒃᑯᑦ: PO Box 4297, Hay River NT X0E 1G5