Information in South Slavey

GNWT kádeɂa, nets’ę́ su k’eogeɂa hı́le meghǫh naenı́nedhe hélı̨ı̨?  Dúlee meghǫ nahets’ę́ gunde.  Ka dúlee nets’áıdı.

Dı Go Hoendı Helı̨, Soomba Nale dene gha gonezų agót’é genı̨dhę gha nı́génı̨htı̨.  Colette Langloıs edı̨h há see atthe NWT gha Go Hoendı Helı̨.

Go Hoendı Helı̨ chu amı́ı́ yéh egháladé, ahsıı ghǫ dene gedetth’o edaondı GNWT gots’ę́ k’eogeɂa ghǫ gots’ęh amı́ı Sambaa Nalé góh egháladé héh dene łégogéłe gonezų agot’é yeghǫ gogende.  Azhı́ı ghǫ gogende nátse hı́le hénıdé, dı Go Hoendı Helı̨ dúlee yendáet’ı̨ı̨ k’enetah, ezhı tł’ą́ą edı̨ aenı̨dhe k’eh, dúlee yeghǫ edı́htł’éh hetsı̨.  Sombaa Nalé dúe yegedeehtth’ǫ agole kó edı̨ xádé dúlee gedı́tth’e.

Gots’ę́ gonezų Kéots’eɂa múdendı hı́le. Sombaa Nalé kı́ łaet’ı̨ı̨ gok’éodeɂá hı́le, kó kı́ azhǫǫ ełek’ę́ę gots’andı hı́le.  Dı há su hı́le hets’edı:

  • Dı GNWT gha eghálaede keh gots’edeke hénıdé ı̨le gedı, yeghǫ kı esagedı hı́le
  • Gonezų ts’enda gha gots’adı k’eh gha eghálaedé kı gok’ę́ę k’eogeɂa hı́le
  • Kǫę́ gots’ę́ k’ahodhe ahsıı ghǫ eságóhts’edı hénıdé kı gogedétth’ó hı́le

Dı Go Hoendı Helı̨ ahsı́ı ghǫ mets’ę gonde hénıdé, ahsıı ndaa dúlee mets’ę kaké:

  • Edágót’ée ts’edındı́ dúlee gonezų dı̨́tth’e negha agole
  • GNWT goedı̨htł’éh ghálaede k’éh edagedındı́ hésı̨ı̨, yeghǫ nonı̨geddhe gha dúlee agele
  • Nı̨ chu GNWT gots’edı meghǫ dúlee gonezų ełedáhtth’e, yundaa gogha méh gonezų ełe eghálanda gha
  • Gok’ełı̨ negedı gha
  • Néts’oegehndı́ gha
  • GNWT gonezų agot’e gha gúlı́ı agogı̨la
  • Dı Go Hoendı Helı̨ yendaet’ı k’enata, edı̨h aenı̨ddhę kı ełégų́ht’e

Ezhı Go Hoendı Helı̨ odı̨ eghálaenda náoneɂı̨h yets’ę gogende hénıdé.  Edadındı hésı̨ı̨ meghǫ gúde gha hı́le, nı̨h adındı hénıdé zǫh.

Negha su hı́le hénıdé Sombaa Nalé goedı́htł’éh ghálaeda k’éh, edı̨ atthe gots’ę́ gonde.  Ezhı k’ála negha eghálaenda hı́le hénıdé, dúlee gots’ę̨́ edahłı́.  Dúlee nets’ágendı,

Go Hoendı Helı̨ Medı́htl’éh Ghálaeda K’éh du kaondı há dúlee mets’ę́ góts’ende:

Gots’ę́ edałı́: 1-844-686-6283 (náets’endı hı́le gots’ende) ı̨́le hénıdé 874-6623 (Hay River zhı́e)

Met’áh xádé edehtł’éh gháts’enda k’eh: info@nwtombud.ca

Met’áh gondı łatake edı̨htł’ée k’eh: 1-867-874-6250

Gots’ę́ ets’edetł’éh gha hénıdé: PO Box 4297, Hay River NT X0E 1G5